Ganz truurig häbsch Du mini Hand
Wänn ich gu schaffä ga
Und fragsch mich Mami chunsch bald hei
Warum bliibsch Du nüd da

Ich säge Dir min chlinä Schatz
Das muess halt leider si
Ich chumä zrugg sobald ich chu
Diä Ziit gaht gschwind verbii

Äs Chinderlachä isch viel mi
Als alles Geld vur Erdä
Äs cha doch gar nüt schüneres gi
Als d’Liäbi vum ä Chind

I gnüssä jedä Augeblick
Wo ich’s gsi grösser werdä
Ä jedem Tag äs bitzli mi
Das gaht usinnig gschwind

Und chumi dä am Abed hei
Dä wartisch Du im Bett
Bis z’Mami Dir wie jedä Tag
Ä guati Nacht gwünscht hett

Und d’Äugli kiied Dir fascht zuä
Doch das muess etz so si
Äs Chüssli und äs Nachtgebet
Und dä schlafsch friedlich i