Immer wenn de Früehlig chunnt
D’Matte grüen und d’Weide bunt
De zieht’s mi i d Bärge ue
Luege jede tag zur Flueh.
Muess mi trenne vo mim Schatz
Uf de Alp da isch mi Platz
Du bisch jetzt halt lang e lei
Chumme wieder hei

De Himmel isch mis Summerdach
Er beschützt mich Tag und Nacht
Jede Jahr bin ich uf miner Alp
Und gib für alles acht
Wenn’s am Abig finschter wird
Lueg i no is Tal zu Dir
Deck mi den voruse zue
De Himmel über mier

Da han ich e heili Welt
Ohni Richtum ohni Geld
Ha kei Stress wie andri Lüüt
G’höre nur mis Trychleglüüt
S’tönt grad wie ne Melodie
Vo de Tierli gross und chli
Si hend freud und lose zue
Wenn ich Jodle dtue

De Himmel isch mis Summerdach
Er beschützt mich Tag und Nacht
Jede Jahr bin ich uf miner Alp
Und gib für alles acht
Wenn’s am Abig finschter wird
Lueg i no is Tal zu Dir
Deck mi den voruse zue
De Himmel über mier

Wenn’s am Abig finschter wird
Lueg i no is Tal zu Dir
Deck mi den voruse zue
De Himmel über mier

Deck mi den voruse zue
De Himmel über mier