Wieviel mal han ich, Dir das Liedli gsunge
Wieviel mal hesch Du dann, Dini Hand i mini gleit
„Papi, tuesch no chli kuschele,"
hesch ganz liesligzue mer gseit,
und dann han i Dich
uf mini Siite übre treit.

Buona, buona notte, bambina mia
Buona, buona notte, Mariella mia
Buona, buona notte, sogni d'oro, che Gesu, ti veglierà.

Eimal, zweimal
Nei, ich glaub s'isch viel meh gsi
drümal, viermal
mit dr Zyt han ich's gar nümme zellt

Buona, buona notte, bambina mia
Buona, buona notte, schlaf jetz guet ii
Buona, buona notte, sogni d'oro che Gesu, ti veglierà.

Wieviel mal han ich, Dir das Liedli gsunge
Wieviel mal hesch Du dänn,Dini Hand i mini gleit
„Papi, jetz no n'es Gschichtli, aber eis wo d'selber hesch erfunde."
Und scho glii derna hesch Dini Äugli gschlosse gha.

Buona, buona notte, bambina mia
Buona, buona notte, Sabrina mia
Buona, buona notte, sogni d'oro, che Gesù, ti veglierà.

Eimal, zweimal
Nei, ich glaub s'isch viel meh gsi
drümal, viermal
mit dr'Zyt han ich's gar nümme zellt

Buona, buona notte, bambina mia
Buona, buona notte, schlaf jetz guet ii
Buona, buona notte, sogni d oro che Gesu, ti veglierà.

Wieviel mal han ich, üüch das Liedli gsunge
Wieviel mal händ Ihr dann, üüchri Hand i mini gleit
S' wird im Lebe no mängisch
öppert anders binech sii
und dann wünsch ich mir
das er au so singt wie n'ich :

... bouna notte, schlafed guet ii...

Buona, buona notte, bambina mia
Buona, buona notte, Mariella und Sabrina mia
Buona, buona notte, schlafed guet ii che Gesu, vi veglierà.
Buona notte !