De Sepp het e Chats,
Die vermehrt sich eyfach gschwind,
Drum schänkt är diä Chats
Ah sim liäbä Gottechind
Da nimmt är ä Chorb,
Ond stöut de drih das Tiär,
Ond drinnä hetter gschriebe
Etz ghört sie immer diär!

Doch

Diä

Chats chont weder,
Ganz plötzlech steiht sie da
Die Chats chont weder mit de Junge hendärnah
Das gloubsch du ned?
Das isch grad wienä Grus,
Met Miau Miau Miau steiht sie weder vorem Huus

Am Nächschte Tag geiht de Sepp
Ufe Zug am Zäh ab Zwöi,
Ond laht diä Chats
Am Bahnhof ganz älei
Er sekklet schnöu y Zug,
Ond seyt sech da drbiä
Diä Chats die gsehter nie meh,
Die bliebt vör emmär hie!

Doch

Diä

Chats chont weder,
Ganz plötzlech steiht sie da
Die Chats chont weder mit de Junge hendärnah
Das gloubsch du ned?
Das isch grad wienä Grus,
Met Miau Miau Miau steiht sie weder vorem Huus

Dr Sepp bringt diä Chats
Ines Tierheim irgendwo,
Är wott sie niä meh gseh,
Ja da wär er schono froh
Das esch ja keis Problem,
Ond zahut de hondert Stei,
Sperrt d Chats ines Chäfig und geiht fröhlech weder hei!

Doch

Diä

Chats chont weder,
Ganz plötzlech steiht sie da
Die Chats chont weder mit de Junge hendärnah
Das gloubsch du ned?
Das isch grad wienä Grus,
Met Miau Miau Miau steiht sie weder vorem Huus

Lodda, s Zisseli chont ou weder, Dech werd i ou niä meh los.

Miauuuu!

Met der Chats nemmts kes Änd,
Äs verleided ihm scho schiär,
Do chonnt e schöni Frou,
Die wott scho lang ä so äs Tier
"Diä chaisch du ha,
Dä esch mir Ärger Schluss!"
Er get ihre d Chats und öberchunt deför ä Kuss! Juhouuui

Doch

Diä

Chats chont weder,
Ganz plötzlech steiht sie da
Die Chats chont weder mit em Froueli hendärnah
Das gloubsch du ned?
Das isch grad wienä Grus,
Met Miau Miau Miau steiht sie weder vorem Huus

Das gloubsch du ned?
Das isch grad wienä Grus,
Ob Frou oder d Chats mär brengt sie nöme usem Huus