Hiä stahni,
als chlinä Mänsch,
äs Lüftli streichlät mini Huut ich fah afä gniesä hiä.
Diä Ussicht,
diä Bärgwält,
s'erfüllt mis Härz mit ihrer Gwaltigkeit.

Ergriffäheit
Packt mich i derä Einsamkeit,
mär isch ja nur ä chlinä Schattä wo dur diä Wält durähuscht.
Ergriffäheit
Packt mich i derä Einsamkeit
drum gniäs dis Läbä hiä und jetzt viel meh.

Öb glücklich,
öb trurig,
da chunsch zur Ruäh und chasch studierä über dis Läbä hiä.
Und nachher,
diä volli Chraft,
chasch witergäh a dinä liäbschte Schätz.

Gönd id Bergä
Tanked Chraft
Gniäsed s Läbe
Hebed enand Sorg