Du hesch mich dur mis Lebä gfüehrt
Bisch äs Vorbild gsi jeder Ziit
Ä Begleiter wie’s für mich
Kei zweitä mi git

Wiä äs Liecht i dr Nacht
Hesch Du mich dur jedi Dunkelheit glänkt
Dini Liebi hesch Du mir
Äs Lebä lang gschänkt

Ich vermissä Dich
Chas nüd verstuh
Ich vermissä Dich
Dass Du hesch müessä guh

Ich vermissä Dich
Äs tuet so weh
Doch ich weiss
Mir werdet üs
Im Himmel wieder gseh

Wo mis Lebä mich hanä bringt
Du bisch immer nuch für mich da
Bisch dr hellschti Stern wo schiint
Ich glaubä fescht dra

Wänn ich mich ämal einsam fühl
Bsuech ich ds’ Chilchli - betä ä chli
Zünd äs Cherzli ganz still a
ällei nur für Dich